Ehya Bhojpuri
hijrat karo to rishta-o-saman chhoḌ kar
varna na jaao tum kabhi maidan chhoḌ kar
yuun to laḌa.i jhagḌe ki aadat nahin mujhe
phir bhi ghalat kiya tha gareban chhoḌ kar
ab koi milne-julne ko aata nahin hai ghar
main bhi huun band kamre men dalan chhoḌ kar
achchhe bure se paak yahan koi shai nahin
tum fa.eda gina karo nuqsan chhoḌ kar
ḳhushbu bikherna miri fitrat hai dosto
ḳhushbu bikherta huun main gul-dan chhoḌ kar
Leave a Reply