Noshi Gilani
hijr ki shab men qaid kare ya subh-e-visal men rakkhe
achchha maula teri marzi to jis haal men rakkhe
khel ye kaisa khel rahi hai dil se teri mohabbat
ik pal ki sarshari de aur dinon malal men rakkhe
main ne saari khushbuen anchal se bandh ke rakkhin
shayad in ka zikr tu apne kisi saval men rakkhe
kis se tere aane ki sargoshi ko sunte hi
main ne kitne phuul chune aur apni shaal men rakkhe
mushkil ban kar tuut padi hai dil par ye tanhai
ab jaane ye kab tak us ko apne jaal men rakkhe
Leave a Reply