Hassan Ahmad Awan
hijr achchha visal achchha hai
tark-e-ulfat ḳhayal achchha hai
ibtida hai na intiha achchhi
ishq men e’tidal achchha hai
koi surat hi ban rahi hogi
chehra-e-ḳhadd-o-ḳhal achchha hai
zindagani asiir karne ko
gesuon ka ye jaal achchha hai
kya zamana hai ye zamana bhi
achchha bhi ḳhal-ḳhal achchha hai
ashiqi ke uruuj ko ‘hassan’
is ana par zaval achchha hai
Leave a Reply