hazar maslahat-e-vaqt saath saath rahi
junun ke samne baazi ḳhirad ki maat rahi
jahan bhi main ne imarat ka ehtiram kiya
vahin pe ruuTh ke mujh se miri hayat rahi
tiri nigah-e-karam par yaqin kya aaya
fareb-e-husn men ye saari ka.enat rahi
vo ik kali ne chaTak kar chaman ko samjha di
jo bat-chit sitaron se saari raat rahi
ḳhirad ne laakh dikha.in vafa ki tasviren
miri nigah magar janib-e-furat rahi
vo dasht ho ki falak-bos gumbad-o-mehrab
gharaz ki ho ke mohabbat ki vardat rahi
ye apne apne samajhne ka farq hai ‘raje’
kahan nigah-e-karam nazr-e-iltifat rahi
Leave a Reply