hayat raqs men hai ka.enat raqs men hai
charagh-e-bada jalao ki raat raqs men hai
sitare aa.e hain zarron ki bandagi ke liye
naved-e-sub.h mubarak hayat raqs men hai
kuchh is ada se chala qafila gunahon ka
numud-e-sub.h se ab tak najat raqs men hai
hai ek hashr sa barpa zamin ke siine men
kuchh is tarah nafas-e-hadsat raqs men hai
ye kaun maut ke chehre pe mal gaya kalak
fana ki ankhen hain nam aur sabat raqs men hai
qarib hi kahin pyason ka qafila to nahin
machal rahe hain kinare furat raqs men hai
ḳhuda pe jab se bura vaqt aa gaya ‘qaisar’
hubal ke lab pe hai naghma manat raqs men hai
Leave a Reply