haath se napta huun dard ki gahrai ko
ye naya khel mila hai miri tanhai ko
tha jo siine men charagh-e-dil-pur-khun na raha
chatiye baith ke ab sabr o shakebai ko
dil-e-afsurda kisi tarah bahalta hi nahin
kya karen aap ki is hausla-afzai ko
khair badnam to pahle bhi bahut the lekin
tujh se milna tha ki par lag gae rusvai ko
nigah-e-naz na milte hue ghabra ham se
ham mohabbat nahin kahne ke shanasai ko
dil hai nairangi-e-ayyam pe hairan ab tak
itni si baat bhi malum nahin bhaai ko
Leave a Reply