Sufi

Harf Mein Khun-e-Jigar Kis Ka Hai

harf men khun-e-jigar kis ka hai

ham se puchho ye hunar kis ka hai

ajnabi hai na shanasa koi

ek saaya sa magar kis ka hai

hijr ki shab ko lahu ham ne diya

ab kaho rang-e-sahar kis ka hai

khalvat-e-jan men hai ik halchal si

us taraf qasd-e-safar kis ka hai

tu agar samne maujud nahin

husn ta-hadd-e-nazar kis ka hai

sang hi sang hain angan men ‘ziya’

pas-e-divar shajar kis ka hai

More Poems

Leave a Comment