Poet
har silsila-e-gham se shanasa.i hui hai
har mauj-e-talatum miri Thukra.i hui hai
zulmat ne kahin chaak gareban na kiya ho
aflak pe rangin faza chha.i hui hai
bebak nigahi pe jise naaz bahut tha
vo aankh hamen dekh ke sharma.i hui hai
ik ham ki har uftad pe hain mahv-e-tabassum
ik nabz-e-havadis hai ki tharra.i hui hai
gulshan men khaTakta hai use mera nasheman
bijli ḳhas-o-ḳhashak pe manDla.i hui hai
Leave a Reply