ai sajan vaqt-e-jan-gudazi hai
mausam-e-aish-o-fasl-bazi hai
in chakoron se duur rah ai chand
qaul ushshaq ka namazi hai
is qalandar ki baat sahl na buujh
ishq ke fan men fakhr-e-razi hai
ham-qarin mujh na kar raqiban suun
taur yaron ki pak-bazi hai
ashiqan jan-o-dil ganvate hain
ye na taur-e-zamana-sazi hai
‘faez’ us khush-ada sirijan paas
be-gunahan ka qatl baazi hai
Leave a Reply