Sufi
har ghadi ik nai musibat hai
un ka aana bhi kya qayamat hai
dil hai nakamiyon ki lazzat hai
na tamanna hai ab na hasrat hai
gaahe rahat gahe musibat hai
haae kya chiiz ye mohabbat hai
arz-e-matlab ki un se jurat hai
dil-e-nadan ye kya qayamat hai
ghair par bhi vahi hai rang-e-sitam
haan mujhe aap se shikayat hai
baaz aao bhi ishq se ‘kaifi’
afiyat bas isi men hazrat hai
Leave a Reply