har ek raat men apna hisab kar ke mujhe
sahar ko chhoḌ diya aftab kar ke mujhe
mire junun ko pahuncha diya hai manzil tak
safar ke shauq ne ḳhana-ḳharab kar ke mujhe
zara si der men vo bulbule bhi phuuT ga.e
jinhen vajud mila gharq-e-ab kar ke mujhe
usi ko din ke ujale men a.unga main nazar
tamam raat jo dekhega ḳhvab kar ke mujhe
jagah jagah pe muḌe hain ka.i varaq mere
kisi ne roz paḌha tha kitab kar ke mujhe
bana raha hai agar tu mujhe to dhyan rahe
tujhe banana paḌega ḳharab kar ke mujhe
main ik nasha huun use paḌ ga.i hai lat meri
hayat piine lagi hai sharab kar ke mujhe
miri shanaḳht hai ahl-e-suḳhan men bas itni
kiya gaya hai alag intiḳhab kar ke mujhe
Leave a Reply