Mumtaz Mirza
har dard ke har gham ke talabgar hamin hain
is jins-e-girami ke kharidar hamin hain
duniya men jafaon ke saza-var hamin hain
‘mumtaz’ ba-har-hal gunahgar hamin hain
jo ishq men guzri hai so guzri hai hamin par
avara-o-rusva sar-e-bazar hamin hain
ab kaun kare roz nai un se shikayat
achchha chalo taslim jafa-kar hamin hain
‘mumtaz’ jo nazan hain bahut tishna-labi par
kah de koi saaqi se vo mai-khvar hamin hain
Leave a Reply