Poet
har aan yaas baḌhni har dam umiid ghaTni
din hashr ka hai ab to furqat ki raat kaTni
pau phaTna nahin ye mujh sina-chak ke hai
har sub.h bar-e-gham se chhati falak ki फटनी
kuche men us ke baaqi mujh ḳhaksar par ab
ya asman hai girna ya hai zamin phahTni
mizhgan ki barchhiyon ne dil ko to chhan maara
ab boTiyan hain baaqi un par jigar ki baTni
ḳhat ki syahi ne aa gheri sabahat-e-husn
is rome se hai mushkil ye fauj-e-zang haTni
zulf-e-siyah men ai dil bikhra na maya-jan
ye jins tira-shab men mushkil hai phir simaTni
ḳhun-e-jigar ka khana dil par nahin gavara
in tursh abaruon ki jab tak na ho.e chaTni
a.ina kah raha hai ḳhubon ke saaf munh par
hain ek din ye shaklen sab ḳhaak biich aTni
rangin hai yuun buton ki kaif-e-nigah ki gardish
juun burj ki phire hai holi men mast jaTni
kya past fitraton ko baḳhshe hai sar-bulandi
duniya ke sho.abde se ta.alim ho.e naTni
tu ne ‘muhib’ biTha.e ye qafiye vagarna
paa.e qalam ko yaksar hai ye zamin rapaTni
Leave a Reply