afzal-gauhar-rao

Har Aaine Mein Tera Hi Dhuan Dikhai Diya

har aaine men tira hi dhuan dikhai diya

mira vajud hi mujh ko kahan dikhai diya

ye kaisi dhuup ke mausam men ghar se nikla huun

ki har parinda mujhe saeban dikhai diya

main apni lahr men lipta hua samundar huun

main kya karun jo tira badban dikhai diya

kaha hi tha ki salam ai imam-e-ali-maqam

hamari pyaas ko ab-e-ravan dikhai diya

miri nazar to khalaon ne bandh rakkhi thi

mujhe zamin se kahan asman dikhai diya

More Poems

Leave a Comment