Hamein Yunhi Na Sar-E-Ab-O-Gil Banaya Jae

Zulfiqar Aadil

hamen yunhi na sar-e-ab-o-gil banaya jaa.e

hamare ḳhvab diye jaa.en dil banaya jaa.e

dikha.i deta hai tasvir-e-jan men donon taraf

hamara zaḳhm zara mundamil banaya jaa.e

agar jalaya gaya hai kahin diye se diya

to kya ajab ki kabhi dil se dil banaya jaa.e

shadid-tar hai tasalsul men hijr ka mausam

kabhi milo ki use mo’tadil banaya jaa.e

ye naqsh ban nahin sakta to kya zaruri hai

ḳharab-o-ḳhasta o ḳhvar-o-ḳhajil banaya jaa.e