Jameeluddin Aali
hamen mila na kabhi soz-e-zindagi se faragh
agar bujha hai kahin dil to jal uTha hai dimagh
vahi hayat jo nairang-e-ḳhar-o-gul hai kabhi
kabhi khila.e tamanna hai jo na dasht na baagh
jahan bhi kho.e ga.e qafile iradon ke
vahin se mujh ko mila teri anjuman ka suragh
guzar rahi hai ajab tarah zindagi ‘ali’
na bujh raha hai charagh aur na jal raha hai charagh
Leave a Reply