hai siina chaak har gul-e-ḳhandan mire liye
shayad hai sogvar baharan mire liye
qatre ko de ke aab mere dil ko ehtiyaj
kya kya uTha.e jaate hain tufan mire liye
kal vo sunenge ziist ki kaifiyaton ka zikr
rakha gaya hai dard ka unvan mire liye
mub.ham sa va.ada aane ka phir qaid-e-intizar
ghar ko bana diya gaya zindan mire liye
shaḳhon pe gul falak pe sitaron ka ehtimam
har baam se hain jalve numayan mire liye
milti hai ik murad to baḌhta hai ek shauq
dam-e-bala se vus.at-e-daman mire liye
Leave a Reply