Hai Shakl Teri Gulab Jaisi

hai shakl teri gulab jaisi

nazar hai teri sharab jaisi

hava sahar ki hai in dinon men

badalte mausam ke khvab jaisi

sada hai ik duriyon men ojhal

miri sada ke javab jaisi

vo din tha dozakh ki aag jaisa

vo raat gahre azaab jaisi

ye shahr lagta hai dasht jaisa

chamak hai us ki sarab jaisi

‘munir’ teri ghazal ajab hai

kisi safar ki kitab jaisi

Leave a Comment