Siya Sachdev
hai dhuup tez koi sa.eban kaise ho
ye vaqt ham pe bhala mehrban kaise ho
na lafz ho to koi dastan kaise ho
zaban kaaT li tum ne bayan kaise ho
hamare hisse men do-gaz zamin bhi to nahin
hamare haq men koi asman kaise ho
aḌe rahenge agar apni zid pe donon fariq
to koi faisla bhi darmiyan kaise ho
ganva na baiThun kahin tujh ko azmane men
main Dar rahi huun tira imtihan kaise ho
jo baat jhuuT hai sach kaise maan luun us ko
batao duur ye vahm-o-guman kaise ho
Leave a Reply