Farooq Engineer
hai aisa vaqt ki ḳhud par karam kiya jaa.e
zaruraton ko zara apni kam kiya jaa.e
ho apni ankhon men har-dam vo ek hi chehra
so apni ankhon pe aisa hi dam kiya jaa.e
qubuliyat ka sabab ek ye bhi ho shayad
dua ke vaqt men ankhon ko nam kiya jaa.e
vo saath chhoḌ gaya to malal kya is ka
bichhaḌ gaya jo kahin us ka gham kiya jaa.e
kiya hai ham ne zamane ka ehtiram bahut
kuchh apni zaat ko ab mohtaram kiya jaa.e
ye dastan-e-mohabbat to ḳhuub hai ‘faruq’
koi fasana lahu se raqam kiya jaa.e
Leave a Reply