poet

Hae Kafir Tere Hamrah Adu Aata Hai

haae kafir tire hamrah adu aata hai

kya kahun paas ye tera hai ki tu aata hai

nikhat-e-itr men bas-bas ke jo tu aata hai

apne hamrah liye rashk ki bu aata hai

na-tavani se nahin ah-o-fughan ki taqat

naala tham tham ke mira ta-ba-gulu aata hai

chaunk padta huun shab-e-vada tire dhoke men

har qadam par yahi khatka hai ki tu aata hai

dukhtar-e-raz ke qadam tak to rasai malum

mohtasib sang-e-dar-e-mai-kada chhu aata hai

zakhm-e-dil par kabhi tanka na lagaya tum ne

ham to samjhe the tumhen khuub rafu aata hai

More Poems

Leave a Comment