Maikash Badayuni
guzri hui raunaq ke nishan le ke chale ham
lo kushta-charaghon ka dhuan le ke chale ham
hai dosh pe kitne hi zamanon ki virasat
har-gam pe ik bar-e-garan le ke chale ham
ho tera bura arzu-e-sang-e-havadis
so kargah-e-shishagaran le ke chale ham
is anjuman naaz men hai kaun ḳharidar
be-kar mata-e-dil-o-jan le ke chale ham
mai-ḳhane men ummid-e-karam laa.i thi ‘maikash’
aur be-ruḳhi-e-pire-mughan le ke chale ham
Leave a Reply