Guzar Ko Hai Bahut Auqat Thodi

guzar ko hai bahut auqat thodi

ki hai ye tuul qissa raat thodi

jo mai zahid ne mangi mast bole

bahut ya qibla-e-hajat thodi

kahan ghuncha kahan us ka dahan tang

badhai shaeron ne baat thodi

uthe kya zanu-e-gham se sar apna

bahut guzri rahi haihat thodi

khayal-e-zabt-e-girya hai jo ham ko

bahut imsal hai barsat thodi

pilae le ke naqd-e-hosh saaqi

tahi-daston ki hai auqat thodi

vahi hai asman par ganj-e-anjum

mili thi jo tiri khairat thodi

tira ai dukht-e-raz vasif hai vaaiz

pae-hurmat hai itni baat thodi

chalo manzil ‘amir’ ankhen to kholo

nihayat rah gai hai raat thodi

Leave a Comment