guzar auqat nahin ho paati
din se ab raat nahin ho paati
saari duniya men bas ik tum se hi
ab mulaqat nahin ho paati
jo dhaḌakti hai mire dil men kahin
ab vahi baat nahin ho paati
jam.a karta huun sar-e-chashm bahut
phir bhi barsat nahin ho paati
laakh mazmun lab-e-iz.har pe hain
aur munajat nahin ho paati
haath men haath liye phirti hai
ḳhatm ye raat nahin ho paati
Leave a Reply