Gurezan Rang-O-Bu Se Dil Nahin Hai

gurezāñ rañg-o-bū se dil nahīñ hai

abhī shāyad junūñ kāmil nahīñ hai

nigāheñ apne markaz par haiñ lekin

jahāñ dil thā vahāñ ab dil nahīñ hai

sarishk ġham meñ naġhme ho chuke zam

magar ḳhāmosh sāz-e-dil nahīñ hai

abhī baaqī hai imkān-e-talātum

abhī kashtī lab-e-sāhil nahīñ hai

phir us se arz-e-ġham ‘muḳhtār’ kyā ho

jo mere haal se ġhāfil nahīñ hai

Leave a Comment