Shauq Bahraichi
gur but-e-kam-sin daam bichha.e
bulbulen kya hain hathi phansa.e
un se nigahen kaun mila.e
tevari chaḌhi hai munh hain phula.e
masnad-e-zar pe baiTha hai vaa.iz
khinsen nikale chandiya ghaTa.e
us se vo milte rahte hain aksar
roz unhen jo chaa.e pila.e
mahv-e-ḳhiram-e-naz hai koi
zulfon men kaḌva tel laga.e
raat ko aksar shaiḳh-e-haram bhi
mai-kade pahunche munh ko chhupa.e
gardish-e-qismat gardish-e-dauran
jis ko chahe ḳhuub nacha.e
jis ko bhi chahe dost navaze
jis ko na chahe Thenga dikha.e
leta hai dast-e-naz ke bose
ham se achchha life-boy
rok nigah-e-hirs ko maali
tere chaman ko charne na paa.e
Leave a Reply