Gur but-E-Kam-Sin Dam Bichhae

gur but-e-kam-sin daam bichhā.e

bulbuleñ kyā haiñ hāthī phañsā.e

un se nigāheñ kaun milā.e

tevarī chaḌhī hai muñh haiñ phulā.e

masnad-e-zar pe baiThā hai vaa.iz

khīñseñ nikāle chañdiyā ghaTā.e

us se vo milte rahte haiñ aksar

roz unheñ jo chaa.e pilā.e

mahv-e-ḳhirām-e-nāz hai koī

zulfoñ meñ kaḌvā tel lagā.e

raat ko aksar shaiḳh-e-haram bhī

mai-kade pahuñche muñh ko chhupā.e

gardish-e-qismat gardish-e-daurāñ

jis ko chāhe ḳhuub nachā.e

jis ko bhī chāhe dost navāze

jis ko na chāhe Theñgā dikhā.e

letā hai dast-e-nāz ke bose

ham se achchhā life-boy

rok nigāh-e-hirs ko maalī

tere chaman ko charne na paa.e

Leave a Comment