Poet
gulon ka daur hai bulbul maze bahar men luuT
ḳhizan macha.egi aate hi is dayar men luuT
kushud-e-kar ki koshish men de na hirs ko daḳhl
shikast deti hai faujon ko kar-zar men luuT
lubha.e saikḌon dil un ke ḳhal-e-ariz ne
macha.e zangiyon ne vadi-e-tatar men luuT
vo muntazim hai rahe jis ki juz-o-kul pe nazar
na kar sake koi gungir karobar men luuT
jahan men hoti hai ehsan ki jaza ehsan
savab nekiyon ke daur-e-iḳhtiyar men luuT
abas hai buund ka chuka agar ghaḌe Dhalka.e
hamesha naqd men vaara hai yaan udhar men luuT
kiye hain sheb ne sab jism ke qava kamzor
shurua ho ga.i har samt is hisar men luuT
hujum-e-yas men chhoḌ ai ummid kishvar-e-dil
hai qatl-e-am ka ghul shahr men javar men luuT
bane vo fateh-e-kaunain ḳhush ho tu jis se
zyada ganj-e-kavakib se ho shumar men luuT
dayar-e-dil men hai phir dagh-e-ishq ka toḌa
junun mata-e-havas mausam-e-bahar men luuT
bhari hai taaza har ek sar men shor-o-shar ki hava
ajab nahin jo mache bagh-e-rozgar men luuT
‘habib’ mashq-e-riyazat se kho ke zang-e-dui
maze visal ke har dam firaq-e-yar men luuT
Leave a Reply