gul-e-suḳhan se andheron men tab-kari kar
na.e sitare khila ḳhvab-shar jaari kar
bas ab faqir ki duniya men aur daḳhl na de
tiri bisat hai dil bhar so shahr-yari kar
main karobar-e-jahan ko sameT kar aaya
bas itni der to dil ki nigah-dari kar
yahin kahin kisi lamhe men dil bhi hai larzan
tavajjoh saare zamanon pe baari baari kar
vahi na ho ki ye sab log saans lene lagen
amir-e-shahr koi aur ḳhauf taari kar
ye qaht-e-nur to ‘babar’ ḳhabar nahin kab jaa.e
so dil ke arsa-e-ḳhali men ḳhvab-yari kar
Leave a Reply