guftugu tark-e-ḳhamushi hai faqat
ham-safar ek ajnabi hai faqat
ahd-e-rafta ke valvalon ka nishan
ik musalsal si bekali hai faqat
dekhna-bhalna gaya tire saath
aankh muddat se sochti hai faqat
har taraf ik athah sannaTa
chaap apni hi gunjti hai faqat
har taraf be-panah tariki
apni ankhon ki raushni hai faqat
ajnabiyyat ke yaḳh-kadon men dost
ḳhud kalami pe zindagi hai faqat
ham kahan aur javaz-e-shikva kahan
naala iz.har-e-be-kasi hai faqat
kar hifazat mata-e-hairat ki
hasil-e-zindagi yahi hai faqat
ab dimagh-e-suḳhan bhi hai kis ko
umar muddat se kaT rahi hai faqat
Leave a Reply