Giton Ka Shahr Hai Ki Nagar Soz-O-Saz Ka

giton ka shahr hai ki nagar soz-o-saz ka

qalb-e-shikasta aur ye aalam gudaz ka

charon taraf saji hain dukanen khulus ki

chamka hai karobar har ik hila-saz ka

vo chahe khvab ho ki haqiqat magar kabhi

ehsan uthaega na libas-e-majaz ka

jis tarah chaha jaae hai chaha nahin abhi

andesha jaan khaae hai ifsha-e-raz ka

bahrupiya hai koi phire hai nagar nagar

qatil ka ruup dhare kabhi charasaz ka

yuun hanste hanste dar-e-fana se chala hai vo

jaise safar nasib ho arz-e-hijaz ka

‘abid’ ghamon ki dhuup men jalna hai chaar din

bas qissa mukhtasar hai ye umr-e-daraz ka

Leave a Comment