ghazal ko gardish-e-ayyam se nikalte hain
use na hone ke ib.ham se nikalte hain
ye log kyuun tiri takzib karte hain jabki
hazar kaam tire naam se nikalte hain
ye sher hain hamen ḳhairat men nahin milte
kabhi dhuen se kabhi jaam se nikalte hain
tujhe ḳhabar hi nahin hai ki ham visal ki faal
kabhi sahar se kabhi shaam se nikalte hain
ḳhudaya dasht-e-safar ḳhatm kyuun nahin hota
suragh-e-rah to har gaam se nikalte hain
ab intizar yahi hai ki kab hamare imaam
hamen musibat-o-alam se nikalte hain
kuchh aur kamon men dil ko laga ke dekhen ‘zaki’
ise tilism-e-shafaq-fam se nikalte hain
Leave a Reply