ghar ka rasta jo bhuul jaata huun
kya bata.un kahan se aata huun
zehn men ḳhvab ke mahal ki tarah
ḳhud hi banta huun TuuT jaata huun
aaj bhi sham-e-gham! udaas na ho
maang kar main charagh laata huun
main to ai shahr ke hasin rasto
ghar se hi qatl ho ke aata huun
roz aati hai ek shaḳhs ki yaad
roz ik phuul toḌ laata huun
haa.e gahra.iyan un ankhon ki
baat karta huun Duub jaata huun
Leave a Reply