gham ki saughat hai ḳhamoshi hai
chandni raat hai ḳhamoshi hai
main akela nahin ki baten hon
vo mire saat hai ḳhamoshi hai
meri barbadiyon ki sazish men
zabt ka haat hai ḳhamoshi hai
kaisa aaseb hai ki har janib
jashn-e-jazbat hai ḳhamoshi hai
vaqt ke zaḳhm zaḳhm honTon par
an-kahi baat hai ḳhamoshi hai
phir usi tarah garm mathe par
kanpta haath hai ḳhamoshi hai
sub.h-e-nau ho ki sham-e-gham ‘aslam’
gosha-e-zat hai ḳhamoshi hai
Leave a Reply