Purnam Allahabadi
gham-e-janan se dil manus jab se ho gaya mujh ko
hansi achchhi nahin lagti ḳhushi achchhi nahin lagti
yaqinan zulm ki har baat sun kar kahne vaale se
kahega ye har achchha aadmi achchhi nahin lagti
gali teri buri lagti nahin thi jan-e-jan lekin
nahin hai jab se tu teri gali achchhi nahin lagti
ḳhushi se maut aa.e ab mujhe marna gavara hai
ga.e vo jab se mujh ko zindagi achchhi nahin lagti
na chheḌo ham-nashinon sham-e-gham ‘purnam’ ko rone do
musibat men kisi ki dil-lagi achchhi nahin lagti
Leave a Reply