gham-e-duniya gham-e-hasti gham-e-ulfat gham-e-dil
kitne unvan mile hain mire afsane ko
phir se aa ja.egi dekho tan-e-be-jan men jaan
aap avaz to diije zara divane ko
be-ḳhudi men bhi tira naam liye jaate hain
rog ye kaisa laga hai tire mastane ko
tujh se bas itni talab hai tire divane ki
apne jalvon se saja de mire gham-ḳhane ko
sho.ala-e-dard-e-mohabbat koi bhaḌka.e to
ham to tayyar hain is aag men jal jaane ko
gar mira zauq-e-jabin-sa.i salamat hai ‘fana’
ka.aba ik roz bana dunga sanam-ḳhane ko
Leave a Reply