Gale Se Dil Ke Rahi Yun Hai Zulf-E-Yar Lipat

gale se dil ke rahi yuun hai zulf-e-yar lipat

ki juun sapere ki gardan men jaae maar lipat

maze uthate qamar-band ki tarah se agar

kamar se yaar ki jaate ham ek baar lipat

hamare paas vo aaya to khol kar aghosh

ye chaha javen ham us se ba-inkisar lipat

vahin vo duur sarak kar itaab se bola

hamare saath na ho kar tu be-qarar lipat

hamen jo chahen to lapten ‘nazir’ ab varna

tu chahe lipte so mumkin nahin hazar lipat

Leave a Comment