gai jo tifli to phir alam-e-shabab aaya
gaya shabab to ab mausam-e-khizab aaya
main shauq-e-vasl men kya rail par shitab aaya
ki subh hind men tha shaam panj-ab aaya
kata tha roz-e-musibat khuda khuda kar ke
ye raat aai ki sar pe mire azaab aaya
kahan hai dil ko abas dhundhte ho pahlu men
tumhare kuche men muddat se us ko daab aaya
kisi ki tegh-e-taghaful ka main vo kushta huun
na jaaga neze pe sau baar aftab aaya
nazar padi na miri roab-e-husn se rukh par
agarche samne mere vo be-naqab aaya
hamesha surat-e-anjum khuli rahin ankhen
firaq-e-yar men kis rose mujh ko khvab aaya
hua yaqin ki zamin par hai aaj chand-gahan
vo maah chehre pe jab daal kar naqab aaya
hue jo dida-e-girya se apne ashk ravan
guman hua ki barasta hua sahab aaya
bana tasavvur-e-laila ba-surat-e-tasvir
kabhi jo qais ki ankhon men shab ko khvab aaya
vo zud-ranj hai us ko na chhedna ‘raana’
maloge haath agar bar-sar-e-itab aaya
Leave a Reply