fir.aun-e-vaqt koi bhi ho sar-kashi karo
yaran-e-shahr meri tarah zindagi karo
amrit nahin nasib to zahrab hi sahi
kuchh to ilaj-e-shiddat-e-tishna-labi karo
ye zulmat-e-tamam musalsal nahin qubul
dil ka lahu bala se jale raushni karo
munh dekhi dosti se ab ukta gaya hai dil
yaaro karo ḳhulus se go dushmani karo
ham har-nafas khilaenge apne lahu se phuul
tum ehtimam-e-dar-o-rasan har ghaḌi karo
har sher abgina hai mauj-e-ḳhayal ka
lo kaam ehtiyat se jab shairi karo
kaliyan khilane aaega jhonka nasim ka
tum raah men hazar fasilen khaḌi karo
Leave a Reply