fikr meri ḳhayal mera hai
naam un ka kamal mera hai
chaḌhta suraj uruuj hai un ka
Dhalta saaya zaval mera hai
farq itna hai un ke mere biich
phuul un ke nihal mera hai
aa chala hai yaqin barson ba.ad
ye mahine ye saal mera hai
is men halat ka qusur nahin
dosh pe sar-o-bal mera hai
kyon zamin tang hai gharibon par
asman se saval mera hai
rah ke apnon ke darmiyan ‘ḳhusrav’
kya bata.un jo haal mera hai
Leave a Reply