Fasl-E-Gul Sath Liye Bagh Mein Kya Aati Hai

fasl-e-gul saath liye baagh men kya aati hai

bulbul-e-naghma-sara ru-ba-qaza aati hai

dil dhadakta hai ye kahte hue us mahfil men

yaan kisi ko khafaqan ki bhi dava aati hai

aaj vo shokh hai aur kasrat-e-araish hai

dekh kis vaste pisne ko hina aati hai

kya khule baagh men vo chashm-e-hijab-aluda

aankh uthate hue nargis ko haya aati hai

jan-kani husn-paraston ko giran kya guzre

bhes men hur-e-bahishti ke qaza aati hai

is liye rashk-e-chaman baagh men gul hanste hain

ki udati tiri raftar saba aati hai

maraz-e-ishq se ‘bimar’ jo ghabrata hai

yaar kahta hai mujhe khuub dava aati hai

Leave a Comment