fasil shahr ki itni buland o sakht hui
ki kul sipah mazamin-e-taj-o-takht hui
bujha charagh thi main hasidon ki ankhon men
dua ke shahr men aai to sabz bakht hui
vo lamha jab mire bachche ne maan pukara mujhe
main ek shakh se kitna ghana darakht hui
kisi ne sabz jazire pe mujh ko rok liya
safar ke azm ki naav bhi lakht lakht hui
taalluqat ‘humaira’ kabida hone men
nigah-e-dost ki avaz bhi karakht hui
Leave a Reply