rahat-indori

Kabhi Dimagh Kabhi Dil Kabhi Nazar Mein Raho

kabhi dimagh kabhi dil kabhi nazar men raho

ye sab tumhare hi ghar hain kisi bhi ghar men raho

jala na lo kahin hamdardiyon men apna vajud

gali men aag lagi ho to apne ghar men raho

tumhen pata ye chale ghar ki rahaten kya hain

hamari tarah agar chaar din safar men raho

hai ab ye haal ki dar dar bhatakte phirte hain

ghamon se main ne kaha tha ki mere ghar men raho

kisi ko zakhm diye hain kisi ko phuul diye

buri ho chahe bhali ho magar khabar men raho

More Poems

Leave a Comment