Sahba Akhtar
fard-e-isyan ko vo siyahi de
jis ki vo zulf bhi gavahi de
be-aman nim-jan huun meri jaan
mujh ko aghosh-e-jan-panahi de
apni zulfon ke saa.e men mujh ko
ek shab ki sitara-jahi de
dil ke ujḌe nagar ko kar abad
is Dagar ko bhi koi raahi de
main ne ta.amir qasr-e-shauq kiya
tu ise muzhda-e-tabahi de
baḳhshne vaale gul-ruḳhon ko jamal
mujh ko saman-e-ḳhush-nigahi de
main asir-e-guman-e-zulmat huun
etamad-e-sahar-e-nigahi de
mujrim-e-ishq huun mujhe ‘sahba’
jo saza de vo be-gunahi de
Leave a Reply