Allama Iqbal
faqr ke hain mojazat taaj o sarir o sipah
faqr hai miron ka miir faqr hai shahon ka shaah
ilm ka maqsud hai paki-e-aql o khirad
faqr ka maqsud hai iffat-e-qalb-o-nigah
ilm faqih o hakim faqr masih o kalim
ilm hai juya-e-rah faqr hai dana-e-rah
faqr maqam-e-nazar ilm maqam-e-khabar
faqr masti savab ilm men masti gunah
ilm ka maujud aur faqr ka maujud aur
ashhado an la ilaah ashhado an la ilaah
chadhti hai jab faqr ki saan pe tegh-e-khudi
ek sipahi ki zarb karti hai kar-e-sipah
dil agar is khaak men zinda o bedar ho
teri nigah tod de aina-e-mehr-o-mah
Leave a Reply