Fana Ki Anjuman Se

badi ghutan hai

saval-e-hasti to hanpte hain

nazar ki uryaniyan mili hain

kise kahun ki

ye mire jazbon ka basi-pan hai

badi ghutan hai

jo sar-ba-kaf the,

gire pade hain

jo gul-shafaq the,

vo naliyon se ubal rahe hain

kisi jahannam ki si jalan hai

badi ghutan hai

koi to rauzan

koi daricha

kahin daradon se koi rasta

fana ki lamhon ki anjuman se

badi ghutan hai

Leave a Comment