faiz-e-ahd-e-jadid tanha.i
sah raha huun shadid tanha.i
baḌhta jaata hai halqa-e-ahbab
baḌh rahi hai mazid tanha.i
hai jahan tak bhi soch sannaTa
hai jahan tak bhi diid tanha.i
baiTh kar doston ki mahfil men
kar raha huun kashid tanha.i
paas hablul-varid ke hai ḳhuda
zer-e-hablul-varid tanha.i
ghar se ghabra ke bahar aaya tha
ghar se bahar mazid tanha.i
T v mobile tab computer
de ke paise ḳharid tanha.i
Leave a Reply