ahmad-zafar

Ek Tasawwur To Hai Taswir Nahin

ik tasavvur to hai tasvir nahin

khvab hai khvab ki taabir nahin

ye rihai ki tamanna kya hai

jab mire paanv men zanjir nahin

sub.h meri tarah abad nahin

shaam meri tarah dil-gir nahin

kyuun ubhar aaya tiri yaad ka chand

jab ujala miri taqdir nahin

sang men phuul khilane vaalo

fan yahan bais-e-tauqir nahin

baat kahne ka saliqa hai ghazal

shairi husn hai taqrir nahin

dil usi aag men jalta hai ‘zafar’

haae jis aag men tanvir nahin

More Poems

Leave a Comment