Aqeel Nomani
ik tamanna men giraftar the ham bhi tum bhi
saari duniya ke gunahgar the ham bhi tum bhi
dilkashi dekh ke chaḌhte hue dariyaon ki
Dubne ke liye tayyar the ham bhi tum bhi
be-sabab donon men har ek ko dilchaspi thi
aur har ek se bezar the ham bhi tum bhi
kamyab aise kahan apne muḳhalif hote
mustaqil un ke madad-gar the ham bhi tum bhi
aaj tak jiine ka ilzam liye phirte hain
chand sanson ke ḳhatavar the ham bhi tum bhi
muskurahaT men kabhi gham ko chhupa hi na sake
ya.ani nakam adakar the ham bhi tum bhi
Leave a Reply