ik shajar aisa mohabbat ka lagaya jaa.e
jis ka ham-sa.e ke angan men bhi saaya jaa.e
ye bhi mumkin hai bata de vo koi kaam ki baat
ik nujumi ko chalo haath dikhaya jaa.e
dekhna ye hai ki kaun aata hai saaya ban kar
dhuup men baiTh ke logon ko bulaya jaa.e
ya miri ziist ke asar numayan kar de
ya bata de ki tujhe kaise bhulaya jaa.e
us ke ehsan se inkar nahin hai lekin
naqsh paani pe ‘zafar’ kaise banaya jaa.e
Leave a Reply