Sufi

Ek Rangin Khwab Hai Duniya

ek rangin khvab hai duniya

ya nashat-e-sarab hai duniya

ghaur se padh sako to samjhoge

ek dilkash kitab hai duniya

uljhanon ne ye kar diya sabit

ik musalsal azaab hai duniya

bhaai bhaai ka khuun karta hai

socho kitni kharab hai duniya

hai saza hi saza hamare liye

kis qadar pur-itab hai duniya

dil lagao na us se ai ‘ahsan’

ek be-faiz khvab hai duniya

More Poems

Leave a Comment